Xəbər lenti
Bu gün futbol dünyasının bir nömrəli mükafatlarından biri olan “The Best”in qalibləri müəyyənləşəcək.
Aut.az xəbər verir ki, tədbir Parisdə təşkil olunacaq. Mərasimdə əsas diqqət ilin ən yaxşı kişi futbolçusu nominasiyasına yönələcək.
Burada mükafata 3 futbolçu namizəd göstərilir. PSJ-nin futbolçuları Lionel Messi və Klian Mbappe ilə yanaşı, “Real”ın forvardı Kərim Benzema da ötən ilin “bir nömrə”si” olmaq üçün yarışır.
“Mundo Deportivo” nəşri isə ilin ən yaxşı futbolçusunun adını öncədən açıqlayıb. FİFA bir müddət öncə başa çatan sorğunun nəticələrini mümkün qədər gizli saxlamağa çalışsa da, deyəsən, istəyinə çatmayıb. İspaniya nəşri iddia edir ki, Messi 8-ci dəfə “The Best”in qalibi olacaq.
Qeyd edək ki, mərasim bu gecə – saat 00:00-da baş tutacaq.
