Braziliyalı supermodel, aktrisa Adriana Lima FİFA-nın azarkeşlər üzrə səfiri təyin edilib.
Aut.az xəbər verir ki, Lima dünyanın hər yerində pərəstişkarlarının iştirakı ilə qlobal təşəbbüsləri inkişaf etdirəcək. Onun vəzifə öhdəlikləri haqqında daha sonra geniş məlumat veriləcək.
Braziliyalı modelin səfiri təyin olunmasını FİFA prezidenti Canni İnfantino şərh edib.
“Adriana ilə görüşəndə dərhal onun istiliyini, mehribanlığını və futbola nə qədər açıq və həvəsli olduğunu hiss edirsən. O, bizim oyunumuzu sevir. Buna görə də o, FİFA ilə bütün dünyadakı azarkeşlər arasında əla əlaqə ola bilər”, – FİFA-nın mətbuat xidməti İnfantinodan sitat gətirib.
Aut.az