“Real” baş məşqçi Karlo Ançelottinin yerinə namizəd axtarır.
Aut.az xəbər verir ki, bu barədə İspaniya mətbuatı məlumat yayıb. Qeyd olunur ki, 63 yaşlı italyanın madridlilərlə müqaviləsi 2024-cü ilin yayına kimi nəzərdə tutulub.
Mənbənin məlumatına görə, “kral klubu” italiyalı mütəxəssisin gedişi halında “Liverpul”un baş məşqçisi Yurgen Kloppu dəvət etməyi planlaşdırır.
Ançelotti 2021-ci ildə ikinci dəfə “Real”a qayıdıb. “Kral klubu” 22 matçdan sonra 51 xalla La Liqa turnir cədvəlində ikincidir.
Çempionlar Liqasının 1/8 final mərhələsinin ilk oyununda Ançelottinin yetirmələri “Liverpul”a 5:2 hesabı ilə qalib gəlib.
Aut.az