Mahir Emrelinin Türkiyə Super Liqasında debütü ləngiyəcək. Azərbaycan millisinin üzvünə “Fənərbaxça” ilə matçda meydana çıxmağa icazə verilməyib.
Aut.az xəbər verir ki, ötən həftə “Konyaspor”a keçən hücumçu ayın 25-də İstanbulda baş tutacaq oyunda olmayacaq. Bunun səbəbi Emreliin oyunun baş tutmalı olduğu tarixədək transfer edilməməsidir.
Qarşılaşma fevralın 6-da keçirilməli idi. Ancaq Türkiyədə baş verən zəlzələ üzündən qarşılaşma bu həftəyə təxirə salınıb. Türkiyə Futbol Federasiyasının qaydalarına görə, komandalar bu ayın 25-də baş tutacaq qarşılaşmada öncədən təqdim edilən iştirak ərizəsi ilə çıxış etməlidir. Belədə fevralın 14-də qeydiyyata alınan Emrelinin adı matçın protokoluna salınmayacaq.
