Dünya futbolunda ən səs-küylü münaqişələrin reytinqi tərtib edilib.
Aut.az xəbər verir ki, reytinqi “FourFourTwo” nəşri tərtib edib. Siyahıya futbolçularla məşqçilər arasında 50 konfliktli vəziyyət daxil edilib.
“İlk onluq” belədir:
- Arsen Venger və Aleks Ferqyuson – “Arsenal” və “Mançester Yunayted” arasındakı rəqabətə görə;
- Zinəddin Zidan və Marko Materatsi – 2006-cı il dünya çempionatının finalındakı olaya görə;
- Maksi Lopez və Mauro İkardi – Vanda Naranın sonuncuya ərə getməsi ilə əlaqədar;
- Roy Kin və Mik Makkarti – 2002-ci il dünya çempionatı zamanı futbolçunun məşqçini tənqid etməsinə görə;
- Nikolas Anelka və Raymond Domenek – DÇ-2010 zamanı futbolçunun məşqçini tənqid etməsinə görə;
- Lotar Matteus və Stefan Effenberq – qarşılıqlı tənqidə görə;
- Roy Kin və Patrik Vieyra – yarımmüdafiədə rəqabətə görə;
- “Nyukasl” azarkeşləri və Mayk Eşli – səmərəsiz klub idarəçiliyinə görə;
- Arsen Venger və Joze Mourinyo – portuqalın “Çelsi”dəki dönəmində media çəkişmələrinə görə;
- Kərim Benzema və Didye Deşam – Matye Valbuenanın şantaj işi səbəbindən hücumçunun Fransa millisindən qovulmasına görə.
Qeyd edək ki, Luis Suares və Patris Evra arasında iddia edilən irqçi təhqirə görə münaqişə 13-cü, “Barselona”da Zlatan İbrahimoviçlə Pep Qvardiola arasındakı fikir ayrılığı 14-cü, Ueyn Bric və Con Terri arasındakı mübahisə isə 19-cu yerdə qərarlaşıb.