Kataloniya polisi Xosep Bartomeunun “Barselona” prezidenti kimi fəaliyyətinin təfərrüatlarını açıqlayıb.
Aut.az “Sport”a istinadla xəbər verir ki, Kataloniyanın hüquq-mühafizə orqanları hesabat təqdim edib. Hesabatda göstərilir ki, Bartomeunun göstərişi ilə “Barselona” vasitəçilərin əli ilə onun rəqibləri – Viktor Font və Joan Laporta qarşısında müsbət imicini yaratmaq üçün jurnalistlərə pul ödəyib.
Vasitəçilər arasında Migel Sambolanın idarə etdiyi “Amalgama Marketing” şirkətinin adı çəkilir.
Bartomeu 2014-2020-ci illərdə “Barselona”nın prezidenti olub. 2021-ci ilin martında funksioner “Barsagate” işi çərçivəsində həbs edilib – onun adından sosial şəbəkələrdə rəqiblərə və klubun bəzi oyunçularına qarşı hücumların təşkil edildiyi bildirilib. Məlumat kampaniyasının konsepsiyası da Bartomeu tərəfindən hazırlanıb.