Fransa “Marsel”inin ukraynalı yarımmüdafiəçi Ruslan Malinovskinin həyat yoldaşı Roksana “Klermont”la oyunda “beIN Sports” kanalında yarımmüdafiəçini rus adlandıran amerikalı şərhçilərin səhvinə sərt reaksiya verib.
Aut.az xəbər verir ki, qarşılaşmanın 36-cı dəqiqəsində “Klermont”un qapısına cərimə zərbəsi təyin olundu, ukraynalı topa yaxınlaşdı. Jurnalist bu epizodu şərh edərkən deyib: “Rus vuracaq”.
Malinovskinin topu qapının üstündən vurmasından sonra şərhçi əlavə “top az qala Moskvaya uçacaqdı” deyib.
Roksana sosial şəbəkədə belə yazıb:
“Rus? Belə səriştəsiz adamlar matçları şərh etməməlidir. Biabırçılıqdır”.
Xatırladaq ki, bu yaxınlarda Malinovski “Marsel” – “Monako” matçından sonra rusiyalı yarımmüdafiəçisi Aleksandr Qolovinlə qucaqlaşaraq qalmaqala səbəb olub. Bu hərəkətinə görə ukraynalı bir çox həmyerliləri tərəfindən tənqid olunub, bundan sonra üzr istəyib.