“Hatayspor”un legioneri, “Çelsi”nin sabiq futbolçusu Kristian Atsu hələ də dağıntılar altındadır.
Aut.az xəbər verir ki, bu barədə klubun vitse-prezidenti Mustafa Özat məlumat verib.
O, “Milliyet”ə verdiyi açıqlamada belə deyib: “Çox təəssüf ki, Kristian Atsu və idman direktorumuz Taner Savut dağıntılar altındadır”.
Xatırladaq ki, Kristian Atsu vaxtilə “Çelsi”, “Nyukasl”, “Everton” və bir sıra digər tanınmış klublarda çıxış edib.