Azərbaycan milli komandasının üzvü Anton Krivotsyuk karyerasını Asiyada davam etdirəcək.
Aut.az xəbər verir ki, 24 yaşlı müdafiəçi Polşanın “Visla” (Plotsk) klubundan ayrılaraq Cənubi Koreyaya üz tutacaq. Bu barədə polşalı idman jurnalisti Şimon Yançik özünün sosial şəbəkə hesabında paylaşım edib. O, futbolçunun xidmətində maraqlı olduğu klubun adını açıqlanmayıb.
Qeyd edək ki, Anton Krivotsyuk Plotsk “Visla”sına 2021-ci ilin yayında azad agent statusu ilə transfer olunub. Onun Azərbaycanda çıxış etdiyi tək klub isə “Neftçi” olub.
