“Mançester Yunayted”in hücumçusu Meyson Qrinvudun üzərindən bütün ittihamlar götürülüb.
Xatırladaq ki, 2022-ci ilin yanvarında sosial şəbəkələrdə Qrinvudun keçmiş sevgilisi tərəfindən zorakılığa məruz qaldığını bildirən bir sıra fotolar yayıldıqdan sonra o, evində saxlanılmışdı.
Futbolçu zorlama, təcavüz, cinsi təcavüz və ölümlə hədələmədə şübhəli bilinirdi. 2 fevral 2022-ci ildə o, zaminə buraxılıb. İyun ayında onun girov müddəti uzadılıb.
2022-ci ilin oktyabrında Qrinvud girovu pozduğuna görə həbs edildi – onu zorlamada ittiham edən qızla əlaqə saxlamışdı.
Aut.az xəbər verir ki, Mançester polisi bu gün bildirib ki, Qrinvud yuxarıdakı ittihamların hamısına görə bəraət alıb:
“21 yaşlı gəncin barəsində 2022-ci ilin yanvarında başlanmış istintaqla bağlı cinayət işinə xitam verilib. İşin mediada geniş işıqlandırılmasını nəzərə alaraq, onun artıq mühakimə olunmadığını bildiririk”.