“Mançester Yunayted”in baş məşqçisi Erik ten Haq düşünür ki, Markus Reşford komandada qalmalıdır.
Aut.az xəbər verir ki, ten Haq dünyanın ən yaxşı komandasını qurmaq niyyətində olduqlarını və Reşfordun da bu plana daxil olduğunu bildirib:
“Bura ən yaxşı yerdir, çünki biz əvvəlcə İngiltərədə, sonra Avropada və dünyada ən yaxşı komanda qurmaq istəyirik.
Bunlar klublarla oyunçu arasında gizli danışıqlardır, lakin Reşford “Mançester Yunayted”in onun klubu olduğunu və bu mühitdə, bu komandada ən yaxşı futbolunu nümayiş etdirdiyini anlayır.
O, öz keyfiyyətlərini göstərə və bu komanda ona qol vurmaq üçün düzgün mövqelərə çıxmağa kömək edə bilər. Komanda elə qurulub ki, onun keyfiyyətləri ön plana çıxır. O, bizim üçün nəyin vacib olduğunu bilir və uğur qazanmaq istəyiriksə, ona ehtiyacımız var”.