İspaniyanın “Valyadolid” klubu heyətini yeni futbolçu ilə gücləndirib.
Aut.az xəbər verir ki, La Liqa təmsilçisi “Brügge”dən Kayl Larini transfer edib. Bu barədə klubun rəsmi saytı məlumat yayıb. Kanadalı forvard mövsümün sonuna kimi icarə əsasında “Valyadolid”də çıxış edəcək. Müqavilədə satınalma maddəsi var.
Qeyd edək ki, Kayl Larin “Brügge”yə mövsümün əvvəlində “Beşiktaş”dan transfer olunub. 27 yaşlı hücumçu Belçika klubunun heyətində meydana çıxdığı 13 rəsmi matçda 1 qol vurub.
