“Turan Tovuz” növbəti transferi həyata keçirib.
Aut.az klubun mətbuat xidmətinə istinadən xəbər verir ki, qərb təmsilçisi Belaydi Pusi ilə anlaşıb.
Albaniyalı hücumçu ilə 6 ay+1 il müddətində rəsmi müqavilə bağlanıb.
Mövsümün sonunda onun çıxışı məşqçilər korpusunu razı salarsa, müqavilənin növbəti 1 illik hissəsi qüvvəyə minəcək.
“Vlajniya” yetirməsi olan 25 yaşlı futbolçu, son olaraq “Skenderbeu”nun formasını geyinib.
O, bu mövsüm meydana çıxdığı 12 oyunda, 6 qol vurub.