Şahmat tacı uğrunda görüşlərin keçiriləcəyi yer müəyyənləşib.
Aut.az xəbər verir ki, Rusiyalı Yan Nepomnyaşi ilə çinli Din Liren arasında baş tutacaq qarşılaşmalar aprelin 7-dən mayın 1-dək Qazaxıstanın paytaxtı Astanada təşkil olunacaq. Bu barədə Beynəlxalq Şahmat Federasiyası (FIDE) məlumat yayıb
Yeni dünya çempionunu müəyyənləşdirəcək görüşün mükafat fondu 2 milyon avrodur. Qalib bu məbləğin 60%-ni, uduzan isə 40%-ni alacaq.
Qeyd edək ki, şahmat tacı uğrunda görüş, əslində Maqnus Karlsen ilə İddiaçılar Turnirinin son qalibi olan Yan Nepomnyaşi arasında keçirilməli idi. Ancaq norveçli dünya çempionu bu görüşlərdən imtina edib.