UEFA prezidentliyinə namizəd müəyyənləşib.
Aut.az xəbər verir ki, qurumun mətbuat xidmətinin yaydığı məlumata görə, hazırkı rəhbər Aleksander Çeferin növbəti seçkilərdə yeganə namizəd olacaq. Bu o deməkdir ki, 55 yaşlı sloveniyalı funksioner avtomatik olaraq UEFA-nın prezidenti seçiləcək.
Formal xarakter daşıyan seçki aprelin 5-də keçiriləcək. Tədbir Portuqaliyanın paytaxtı Lissabondakı Konqres çərçivəsində baş tutacaq.
Qeyd edək ki, Çeferin 2016-cı ildən UEFA prezidentidir.