Azərbaycan millisinin voleybolçusu Odina Əliyevanın yeni klubu bəlli olub.
Aut.az xəbər verir ki, 32 yaşlı hücumçu karyerasını Çində davam etdirəcək. O, “Şenzen Jonqsay”la müqavilə imzalayıb. Odina dekabrın 30-da başlayacaq mövsümünün sonunadək bu klubda forma geyinəcək.
Voleybolçumuz daha əvvəl Filippində çıxış edib. O, 2022-ci ilin oktyabrından dekabra kimi “Çoko Muço Flinq Titans”da çıxış edib.
Qeyd edək ki, Odina “Şenzen”dəki ilk azərbaycanlı deyil. Çin təmsilçisi oktyabrda milli komandamızın digər üzvü Mariya Kirilyuku transfer edib.