2022-ci il futbol dünyasında müxtəlif hekayələrlə zəngin oldu: uğurlar, yeniliklər, rekordlar, dünya çempionatı, qalmaqallar və s. Hər bir məqama mümkün qədər toxunmuşuq. Bu dəfə sizə sonuncu qeyd etdiymiz – qalmaqallarla bağlı yazı təqdim etmək istəyirik.
Məlum olduğu kimi futbol dünyasında hər cür qalmaqal olur və bunlar qaçılmazdır. Bəzən yaşananlar bütün hadisələrin, hətta futbolun belə önünə keçir. Bu məqamı nəzərə alaraq, 2022-ci ilin ən diqqətçəkən hadisələrini – cinsi qalmaqallarını təqdim edirik.
Qətəri fəth edən xorvat gözəli
DÇ-2022 başlamazdan əvvəl Qətər hakimiyyəti ölkədə davranış qaydalarını dərc edərək qeyd etmişdi ki, qadınlar açıq-saçıq geyimlərdən istifadə etməməlidilər. Qolsuz köynəklər, qısa paltarlar, ətəklər və alt paltarları da qəti şəkildə qadağan edilmişdi. Bu qərar çox sayda insanı narahat etdi. Lakin xorvat İvana Knoll mundial zamanı Qətər hökumətinə əsl şok yaşatdı. O, geyimi ilə birdən-birə turnirin maskotuna, sosial şəbəkələrin isə bəzəyinə çevrildi. 30 yaşlı model komandasının bütün oyunlarında stadionda oldu.
Hətta onun arenada olması bəzi futbolçular üçün ilham mənbəyi oldu. Ancaq Knoll üçün Qətər səfəri asan keçmədi. Yerli sakinlər və polis modelə daim təzyiq göstərdi. Hədə mesajları alsa da, inadından dönmədi. Bir müddət sonra məlum oldu ki, bu infomasiyaların bir qismi şayiədir. Hətta qətərlilər də xorvat modelin bədəninə heyran olublar.
Knoll kimi ola bilmədi
İngilis model Astrid Vett də Knollu təkrarlamağa çalışsa da, onun bu addımı birmənalı qarşılanmadı. Populyarlığının sürətlə artması tənqidçilərin meydana çıxmasına səbəb oldu. Yerli sakinlər onun çimərlik geyimində oyun izləməsinə qəzəbləniblər. Vett belə bir reaksiyadan açıq şəkildə təsirləndiyi üçün Dünya Kubokunun, sadəcə bir neçə oyununda göründü və sonradan ölkəni tərk etdi.
Finanlda soyundu, stadiondan çıxarıldı
DÇ-2022-nin final oyununu yarımçıq izləmizsinizsə, pis xəbərimiz var. Çılpaq sinəsini göstərən qızın kadra girdiyi anı, yəqin ki, qaçırdımısınız. Təbii ki, həmin fraqmenti dərhal sosial şəbəkələrdə yayıldı. Argentinadan olan azarkeş çox sayda insanı sevindirdi. Bu hekayə heç də xoş sonluqla bitmədi. Bu jestdən az sonra mühafizə xidməti qızı stadiondan çıxardı.
Belə komanda olar?!
Serbiya millisi DÇ-2022-nin ən qalmaqallı komandası oldu. Ümumiyyətlə mundial zamanı serblərin düşərgəsində nələrin baş veriyi bu günə kimi tam aydın deyil. Məsələyə gəlincə, hücumçu Duşan Vlahoviç Serbiya yığmasının lideri kimi Qətərə yollansa da, ancaq oyunlar başlayanda heyətdə yer almadı. KİV bunun səbəbini araşdıranda çox qəribə bir məqamla üzləşdi. İddia olurnudu ki, Vlahoviç komanda yoldaşı Predraq Raykoviçin həyat yoldaşı ilə münasibətdə olduğu üçün baş məşqçi onun əsas heyətdən kənar saxlayıb. Şaiyələrə münasibət bildirən Vlahoviç iddiaları yalan adlandırıb və məhkəməyə müraciət etməyə hazırlaşdığını bəyan edib. Bu açıqlamadan sonra Vlahoviç İsveçrə ilə oyunda start heyətində yer aldı və qol da vurdu.
Klub futbolçunu ölkədən nəyə görə qaçırıb?
Başqa bir qalmaqal isə “Selta”nın hücumçusu Santi Mina ilə bağlıdır. İspaniyalı futbolçu 2017-ci ildə gənc xanıma təcavüz edib. Məsələ məhkəməyə qədər gedib çıxıb. Oyunçu zərərçəkənə geri addım atması üçün 400 min avro təklif etsə də, ancaq həmin xanım yolundan dönməyib. Uzun sürən məhkəmə çəkişməsi Minanın ona 50 min avro təzminat verməsi və qarşıdakı 12 ildə xanıma 500 metrdən az məsafədə yaxınlaşa bilməməsi ilə nəticələnib. Bundan başqa, futbolçu haqda 4 il müddətinə azadlıqdan məhrumedilmə qərarı da var. Hazırda o, apellyasiya şikayəti ilə bağlı qərarı gözləyir.
Bununla belə, həm “Selta” rəhbərliyi , həm də Minanın özü problemin həlli üçün müəyyən addımlar atıb. İspaniya təmsilçisi 27 yaşlı forvardı Səudiyyə Ərəbistanının “Əl Şabab” klubuna icarəyə göndərib. Bu ölkənin İspaniya ilə ekstradisiya müqaviləsi yoxdur. Bu o deməkdir ki, apellyasiya müraciəti uğursuz olarsa, hücumçu təhlükəsiz şəkildə orada qala və futbolçu karyerasını davam etdirə bilər.
Gündəmə gəlmək üçün görün nə etdi?
DÇ-2022-nin 1/8 final mərhələsi Portuqaliya millisinin 21 yaşlı üzvü Qonçalo Ramos üçün əlamətdar oldu. İsveçrə ilə qarşılaşmada Ronaldonun əvəzinə start heyətdə meydana çıxan hücumçu het-trik edərək komandasına qələbə qazandırdı. Ancaq Mərakeşlə 1/4 final oyununda özünü göstərə bilmədi. Amma o, mediada “tanınması” üçün hər şeyi etdi. Portuqaliya millisinin futbolçusunun sosial şəbəkələrdə masturbatsiya etdiyi bir neçə dəqiqəlik video yayıldı. Ancaq futbolçu baş verənlərə səssiz yanaşmağı seçdi. Bildirilir ki, Ramos özü videonun yayılmasında maraqlı olub.
Xəyanətkar cütlük
Mauro İkardinin adını çəkmək kifayət edir ki, onun kimlə qalmaqalda olduğunu biləsiniz. Əlbəttə, Vanda Nara. Münasibətlərinə qalmaqalla başlayan cütlük, elə də davam edir. Əvvəlcə futbolçunun xəyanəti gündəmə gəldi. Hər şey Naranın – “Əxlaqsıza görə bir ailəni məhv etdin” yazılı paylaşımından sonra üzə çıxdı. Məlum oldu ki, argentinalı forvard bir aktrisa ilə gizli münasibətdə olub. Hətta ona görə PSJ-dən ayrılmağa, futbolu belə atmağa razılaşıb. Ancaq Vanda buna imkan vermədi. Əvvəlcə geri döndü, sonra da artıqlamasıyla intiqamını aldı. Əvvəlcə cangüdəni, sonra özündən 13 yaş kiçik olan 22 yaşlı reper L-Qante ilə münasibətdə oldu.
Bu hadisələrdən sonra cütlüyün hekayəsi, demək olar ki, bitdi. Vandanın xidmətlərindən imtina edən Mauro diqqətini “Qalatasaray”dakı çıxışlarına yönəldib. Ancaq yenə də keçmiş həyat yoldaşı haqqında düşünməyə davam edir.
Karyerasını məhv etdi
2022-ci ilin ilk qalmaqalı “Mançester Yunayted”də çıxış edən Meyson Greenvud ilə bağlı idi. Futbolçu sevgilisi Harriet Robsonu fiziki və cinsi istismara məruz qoydu. Bununla bağlı foto,video və audio materiallar sosial şəbəkələrdə yayıldı. Nəticədə gənc forvardı futboldan uzaqlaşdırıldı. Klub rəhbərliyi onu komandadan kənarlaşdırdı, şəhər polisi isə həbs edilməsiylə bağlı qərar qəbul etdi. Meyson hazırda girov müqabilində azadlıqda olsa da, məhkəmə işi hələ də davam edir. Bu proses isə 2023-cü ilin sonlarına qədər çəkəcək. (Publika.az)
