“Yuventus”un keçmiş baş direktoru Lusiano Mocci Turin klubunun səhmdarlarının iclası haqda danışıb.
Aut.az “Tuttomercatoweb”-ə istinadən xəbər verir ki, o, hər zaman meydanda ləyaqətlə mübarizə apardıqlarını bildirib:
“Deyirlər ki, biz ancaq oğurluq etdiyimiz üçün qalib gəlirik, amma bu, doğru fikir deyil. Biz meydanda həmişə ləyaqətlə mübarizə aparmışıq. Bəlkə də, əksinə olub: rəqiblər bizdən oğurlayıblar. 2001-ci ildə “Roma” çempionluğu bizdən oğurladığı kimi. Elə həmin il İtaliya Milli Olimpiya Komitəsinin prezidenti mövsümün ortasında qaydaları dəyişərək, Nakatanın Turində oynamasına icazə verdi”.
Lusiano Mocci “Yuventus”un B Seriyasına düşməsinə səbəb olub. Klub iki liqa titulundan da məhrum edilib.