Beynəlxalq Dopinq-Test Agentliyi (ITA) ağırlıqqaldırma üzrə üçqat olimpiya çempionu, çinli Lyu Syaotszyunu antidopinq qaydalarını pozduğuna görə yarışlardan kənarlaşdırıb.
Aut.Az xəbər verir ki, bu barədə qurumun mətbuat xidməti məlumat yayıb.
İdmançının oktyabr ayında keçdiyi dopinq testin nəticələrinə görə, onda Ümumdünya Antidopinq Agentliyinin qadağan olunmuş dərman vasitələri siyahısına daxil edilən eritropoietin (EPO) aşkar edilib.
Qeyd edək ki, 38 yaşlı Lyu Syaotszyun London-2012, Rio-2016 və Tokio-2020 Yay Olmpiya Oyunlarının çempionu adını qazanıb. O, həmçinin beşqat dünya çempionudur.
