DÇ-2022-də rekord sayda qol vurulub.
Aut.Az xəbər verir ki, Qətərdəki DÇ-də ümumilikdə 172 qol qeydə alınıb ki, bu da mundiallar tarixinin ən yüksək göstəricisidir.
Bunadək hərəsində 171 qol vurulan DÇ-1998 və DÇ-2014 bu baxımdan ən məhsuldar turnirlər sayılırdı.
Qeyd edək ki, DÇ-2022-nin finalında Argentina millisi Fransa ilə qarşılaşıb. Görüşün əsas vaxtı 2:2 hesabı ilə yekunlaşıb. Əlavə vaxtda tərəflər hərəyə 1 dəfə fərqləndiyi üçün oyunsonrası penaltilərə ehtiyac duyulub. Daha dəqiq olan cənubi amerikalılar (4:2) tarixinin 3-cü dünya çempionluğunu bayram edib.