Argentina millisinin qokiper Emiliano Martines DÇ-2022-nin mükafatlandırma mərasimi zamanı etdiyi nalayiq jestə aydınlıq gətirib.
Aut.az xəbər verir ki, “La Red” radiosuna açıqlama verən 30 yaşlı qapıçı bu hərəkəti ilə rəqib azarkeşlərinin davranışlarına cavab verdiyini söyləyib:
“Bunu bilirsiz niyə etdim? Çünki fransızlar məni fitə basladılar. Bu cür təkəbbürlü yanaşma mənim üçün qəbuledilməzdir”.
DÇ-2022-nin ən yaxşı qapıçısı seçilən Martines qızıl əlcək formasında mükafatı aldıqdan sonra onu qasıq nahiyəsinə qoyub, kameralara və tribunalara doğru jestlər edib. Onun bu hərəkəti birmənalı qarşılanmayıb.
Qeyd edək ki, dekabrın 18-də Qətərdə keçirilən turnirin final oyununda Argentina Fransanı məğlub edərək (3:3, penaltilər seriyası 4:2) çempion olub.
