Bir ingilis biznesmen ölkəsinin yığma komandasına inanaraq riskə gedib. O, üzərində İngiltərənin 2022-ci ildə dünya çempionu olduğu yazılan 18 min köynək hazırlatdırıb.
Aut.az xəbər verir ki, iş adamının hesablamasına görə, İngiltərə çempion olacaqdı və o, qiymətini 29 funt-sterlinq müəyyənləşdirdiyi köynəklərdən yarım milyon pul qazanacaqdı. Amma öncədən sifariş verilən geyim dəstləri indi lazımsız əşya kimi ortada qalıb.
İngiltərə millisinin aqibətindən xəbərdarsız. Komanda ¼ finalda Fransaya məğlub oldu, Harri Keynin qaçırdığı penaltiyə isə hamıdan çox sözügedən biznesmen əsəbləşdi. İndi o, mətbuat vasitəsi ilə ingilis azarkeşlərdən yardım istəyir: “Tarixin bir parçası olmaq və komandanızın yarış boyunca nə qədər yaxşı, çempionluğa layiq oynadığını xatırlamaq üçün bu formalardan alın. Komandamız dünya kubokunu qazana bilməsə də, mənim gözümdə qazanmış kimidirlər”.
