“Mançester Yunayted”lə müqaviləsinin müddəti yayda başa çatacaq Markus Raşford müxtəlif Avropa nəhənglərinin diqqət mərkəzindədir.
Aut.Az xəbər verir ki, DÇ-2022-də inamlı oyunla yadda qalan 25 yaşlı hücumçunu heyətinə qatmaq istəyənlər arasında PSJ də var.
Xəbərə görə, Paris klubunun rəsmiləri yanvarda Markusla danışıqlara başlamaqda qərarlıdır. Mənbə sözügedən oyunçunun PSJ-yə azad agent qismində keçəcəyi halda, aylıq 1 milyon avro əməkhaqqı alacağını vurğulayıb.
Xatırladaq ki, Raşford Qətərdə keçirilən dünya çempionatında 5 oyuna 3 qol vurub. İngiltərə seçməsi 1/4 finalda Fransaya 1:2 hesabı ilə uduzaraq mübarizəni dayandırıb.