“Qalatasaray”ın sabiq futbolçusu, hazırda Yunanıstan AEK-in də oynayan Nordin Amrabat PSJ prezidentinə çağırış edib.
Aut.az xəbər verir ki, Amrabat “L’Équipei” nəşrinə verdiyi müsahibədə OPSJ-in prezidenti Nasser Əl-Xəlaifiyə tövsiyə edib ki, qardaşı Sofyanı transfer etsin:
“Dünya çempionatı Çempionlar Liqası qədər diqqətə layiqdir və burada Sofyan diqqət mərkəzindədir, səhnədədir. Fikrimcə, o, PSJ-yə çox yaraşardı. Marko Verratti ilə əlaqəni təsəvvür edin, oooh…
Nasser Əl-Xəlaifi, əgər bunu oxuyursansa, qardaşımı transfer et”.
“Fiorentina”nın 26 yaşlı futbolçusu Sofyan Amrabat hazırda Mərakeş yığmasının heyətində dünya çempionatında çıxış edir. Mərakeş turnirin yarımfinalına vəsiqə qazanıb.
Aut.az