Direktoru vurdu – Foto

Uruqvay millisinin müdafiəçisi Xose Mariya Ximenes dünya çempionatının 3-cü turunda Qana ilə oyunun (2:0) baş hakimi Daniel Sibertlə mübahisə edərkən FİFA nümayəndəsi Kolin Smiti dirsəklə vurub.

Aut.az xəbər verir ki, Edinson Kavaninin Qananın cərimə meydançasında yıxılmasından sonra hakimin penalti təyin etməməsi Ximenesi və komanda yoldaşlarını qəzəbləndirib.

Meydanı tərk etmək istəyən hakimə yaxınlaşan müdafiəçi bilmədən FİFA direktoru Kolin Smiti dirsəyi ilə vurub. Daha sonra müdafiəçi həm də turnirin təşkilatçılarından biri olan Smitlə mübahisə edib.

Qeyd edək ki, penalti təyin olunsaydı və uruqvaylılar onu dəqiq yerinə yetirsəydilər, o zaman Cənubi Koreya yığmasından daha yaxşı top fərqinə malik olaraq dünya çempionatının pley-off mərhələsinə yüksələcəkdilər.

Aut.az