Daha bir milli komanda baş məşqçisiz qaldı. Ümidini son tura saxlayan, amma Uruqvaya 0:2 hesabıyla uduzaraq sonuncu olan Qanada gözlənilən baş verdi.
Aut.az xəbər verir ki, Otto Addo oyun bitən kimi istefa verib. Qana millisinin baş məşqçi postuna bu ilin fevralında gələn mütəxəssis daha öncə köməkçi kimi çalışmışdı. Yığmaya gələnə kimi isə o, müxtəlif klublarda 13 il köməkçi-məşqçi olmuşdu.
Otto Addo Dünya Çempionatında istefa verən 4-ci məşqçidi. Xerardo Martino (Meksika), Karluş Keyruş (İran) və Roberto Martines (Belçika) də komandaları qrup mərhələsini keçə bilmədiyi üçün postundan ayrılmışdı.
