Almaniyalı məşqçi Ditmar Hamann millinin çalışdırıcısı Hans-Diter Flikin istefasını tələb edir.
Aut.Az xəbər verir ki, Hamanm “Sky Germany”ə açıqlamasında Bundestim rəhbərliyinin baş məşqçini postundan qovmalı olduğunu deyib:
“Flik Almaniya millisinin baş məşqçisi kimi qalmamalıdır. Komandanın dünya çempionatında çıxışı acınacaqlı idi. Evdəki AÇ-2024-ə isə cəmi 18 ay qalıb”.
Almaniya yığması dünya çempionatının qrup mərhələsində 3-cü yeri tutaraq sürpriz şəkildə mundialı tərk edib.
Qeyd edək ki, Flik 2021-ci ilin yayından – Yoahim Lövün gedişindən sonra Almaniya millisinə rəhbərlik edir.