Qətərdə keçirilən dünya çempionatında qrupda qalaraq mübarizəni dayandıran Uels millisinin kapitanı Qaret Beyl gələcək taleyinə aydınlıq gətirib.
Aut.Az xəbər verir ki, “BBC Sport” 33 yaşlı forvardın dediklərini belə çatdırıb:
“Bacardığım qədər və ehtiyac olduğu müddətdə milli komandada oynamağa davam edəcəm.
Açığı, hazırda komanda üçün çətin məqamdır. Lakin biz irəli baxmalıyıq. Mart ayında biz AÇ-2024-ün seçmə oyunlarına başlayırıq”.
Beylin dünya çempionatından sonra milli komandanı tərk edəcəyi bildirilirdi.
Qeyd edək ki, Uels B qrupunda 1 xalla sonuncu yeri tutub. Qrup mərhələsinin ilk turunda ABŞ (1:1) ilə bərabərə qalan komanda bundan sonra İran (0:2) və İngiltərəyə (0:3) məğlub olub.