İspaniya yığmasının baş məşqçisi Luis Enrike yığmanın hücumçusu Ferran Torreslə bağlı zarafat edib.
Aut.az xəbər verir ki, Ferran Torresin Enrikenin qızı ilə görüşdüyü bildirilir. Jurnalistlər Enrikeyə “Torres baş barmağını ağzına salıb qol sevincini qeyd edərsə, hansı qərarı verərsiniz” sualına mütəxəssis, “Relovo”ya açıqlamasında gülərək belə cavab verib:
“Torresin baş barmağını uşaq kimi ağzına aparıb qolu qeyd etdiyini görsəm nə edərdim? Onu dərhal əvəzləyib, tribunaya göndərərdim və bir daha futbol sahəsinə ayaq basmazdı”.
Qeyd edək ki, futbolçuların belə qol sevinci onların həyat yoldaşlarının və ya sevgililərinin hamilə olmasına işarədir.
Aut.az
