DÇ-2022 çərçivəsində ikinci oyununu keçirən İran millisi hazırda Qətərin “Əhməd bin Əli” arenasında Uelslə qarşılaşır.
Aut.Az xəbər verir ki, bu mundialda ilk qarşılaşmada – İngiltərə ilə görüşdə (2:6) dövlət himnini oxumayan iranlı futbolçular və azarkeşlər növbəti dəfə diqqət mərkəzinə düşüb.
Belə ki, yenə futbolçuların əksəriyyəti himni oxumayıb, azarkeşlər isə dövlət rəmzini fitə basaraq İran hökumətinin yürütdüyü siyasətə etiraz ediblər.