Portuqaliya millisinin hücumçusu Kriştiano Ronaldo “Mançester Yunayted”lə müqaviləsinə xitam verildikdən sonra açıqlama verib.
Aut.az xəbər verir ki, noyabrın 22-də “qırmızı şeytanlar”ın mətbuat xidməti tərəflərin razılığa gəldiyini və əməkdaşlığı dayandırdığını bildirib. Bundan sonra Ronaldo bəyanat yayıb:
“Mançester Yunayted”lə danışıqlardan sonra müqaviləmi ləğv etmək üçün qarşılıqlı razılığa gəldik. Mən “Yunayted”i və heç vaxt dəyişməyəcək azarkeşləri sevirəm.
Görünür, yeni çağırış axtarmağın vaxtı çatıb. “Mançester Yunayted”ə uğurlar arzulayıram”.
