“Barselona”nın və Polşa millisinin hücumçusu Robert Levandovski PSJ-nin hücumçusu Lionel Messi ilə münasibətindən danışıb.
Xatırladaq ki, 2021-ci ildə “Qızıl top”u alan Messi demişdi ki, Levandovski bu mükafatı 2020-ci ildə almalı idi. Sonradan məlum oldu ki, Messi FİFA-nın sorğusunda Levandovskiyə səs verməyib.
Aut.az xəbər verir ki, polşalı hücumçu “Mundo Deportivo”ya verdiyi açıqlamada Leonun qeyri-səmimi davranışından incimədiyini bildirib:
“Ondan inciməmişəm, aramız yaxşıdır. Messi ilə heç vaxt problemimiz olmayıb. Bu məlumatın haradan qaynaqlandığını bilmirəm”.
Aut.az