Belçika Futbol Federasiyası DÇ-2022 üçün fan-zona yaratmaq planlarından imtina edib.
Aut.az xəbər verir ki, buna səbəb azarkeş marağının az olması göstərilir. Bu barədə “AP News”a ölkə futbol federasiyasının nümayəndəsi məlumat verib:
“Azarkeşlərin çoxu Qətərə gedə bilmədiyi üçün biz dünya çempionatını fan-zona yaratmaqla öz ölkəmizdə “təşkil” etmək istədik. Lakin nəzərdə tutulduğundan qat-qat az bilet satdıq. Ona görə də bu ideyadan imtina etdik”.
“Ərəb gecələri” adlanacaq fan-zona Belçika millisinin oyunları zamanı fəaliyyət göstərəcəkdi. Biletlər təxminən 10 dollara satılırdı. Federasiyadan bildiriblər ki, bilet alan azarkeşlərə kompensasiya ödəniləcək. Belçikanın turnirdəki üç qrup oyunu üçün fan-zonaya mindən az bilet satılıb.
Aut.az