Kosta-Rika və İraq milli komandaları arasında keçiriləcək yoldaşlıq oyunu ləğv edilib.
Aut.Az xəbər verir ki, buna səbəb İraq sərhədində viza problemi olub.
Məlumata görə, İraq tərəfi Kosta-Rika millisinin üzvlərinin pasportlarına viza möhürü vurulması ilə bağlı ilkin razılaşmadan imtina ediblər. Bu isə mərkəzi amerikalıların digər ölkələrə girişində problemlər yaradacaqdı.
Komandaların görüşü noyabrın 17-də Bəsrədə (İraq) keçirilməli idi.
Kosta-Rika Qətərdə keçiriləcək futbol üzrə dünya çempionatının iştirakçısıdır. Sözügedən yığma İspaniya, Almaniya və Yaponiya ilə E qrupunda mübarizə aparacaq. Dünya çempionatı noyabrın 20-dən dekabrın 18-dək keçiriləcək.