“Atalanta”nın argentinalı müdafiəçisi Xose Palominonun üzərindən dopinq ittihamı götürülüb.
Aut.az xəbər verir ki, bu barədə klubun rəsmi saytı məlumat yayıb. Xose sayta verdiyi açıqlamada hisslərini belə ifadə edib:
“Çox xoşbəxtəm! Mən ədalətə inanırdım və indi komanda yoldaşlarımla məşqə çıxacağım anı səbirsizliklə gözləyirəm”.
Yaxın vaxtlarda argentinalının komandaya qoşulacağı bildirilir. İyulun 26-da İtaliyanın Antidopinq Məhkəməsi Xose Palominoya, dopinq-testində qadağan olunmuş maddə aşkar olunduğuna görə müvəqqəti olaraq meydana çıxmağı qadağan etmişdi. Söhbət anabolik steroid, nandrolondan gedir.
Argentinalı “Atalanta”ya 2017-ci ildə Bolqarıstanın “Ludoqorets” klubundan keçib. Bu ilin aprelində o, klubu ilə müqaviləsini 2025-ci ilə qədər uzadıb. Palomino “Atalanta”da 151 matçda 6 qol vurub.
Aut.az