“Turan Tovuz” – “Şamaxı” matçından sonra meydan sahiblərinin baş məşqçisi Ayxan Abbasovla yerli tərəfdarlar arasında gərginlik yaşanıb.
Aut.az Fanat.Az-a istinadla xəbər verir ki, komandanın oyunundan razı qalmayan tələbkar azarkeşlər çalışdırıcıya irad bildiriblər.
“Bu nə oyundur”, “Rəqib ilk qələbəsini niyə Tovuzda qazanmalıdır” kimi iradları eşidən 41 yaşlı məşqçi soyunub-geyinmə otağına gedən tunelin girişində narazı şəxslərə eyni tonda etiraz bildirib. Qısa atmacalardan sonra Abasov paltardəyişmə otağına gedib.
Qeyd edək ki, Azərbaycan Premyer Liqasının XIII turu çərçivəsində keçirilən “Turan Tovuz” – “Şamaxı” matçı 1:3 hesabı ilə başa çatıb.