“Mançester Siti”nin baş məşqçisi Pep Qvardiola dünya çempionatının izləmək üçün Qətərə getmək fikrində olmadığını bildirib. Aut.az xəbər verir ki, Qvardiola AS nəşrinə açıqlamasında deyib ki, mundialı evdən izləyəcək:
“Evdə – qırmızı şərabla daha yaxşıdır. Komanda bir neçə gün istirahət edəcək, bundan sonra biz Abu-Dabiyə gedəcəyik və mövsümün bərpasından əvvəl yoldaşlıq oyunu keçirəcəyik. Narahatıq, bilmirik ki, futbolçularımız dünya çempionatından sonra düşərgəyə hansı vəziyyətdə qayıdacaqlar”.
Xatırladaq ki, Qətərdəki dünya çempionatı noyabrın 20-dən dekabrın 18-dək keçiriləcək. “Mançester Siti” 12 oyundan 29 xal toplayıb və İngiltərə Premyer Liqasında turnir cədvəlinin 2-ci pilləsində qərarlaşıb.
Aut.az