“Monza”nın müdafiəçisi Pablo Mari xəstəxanadan evə buraxılıb. Mari oktyabrın 27-də Milan yaxınlığındakı ticarət mərkəzində bıçaqlanmışdı. Psixi problemləri olan bir nəfər futbolçunu kürəyindən bıçaqlamışdı.
Xəstəxanaya yerləşdirilən Pablo əməliyyat olunmuşdu. Aut.az xəbər verir ki, evə buraxılan Mari sosial şəbəkədə belə yazıb:
“Nəhayət evdəyəm! Milandakı Niquarda Travmatoloji Mərkəzinin bütün həkimlərinə və mütəxəssislərinə şəxsən təşəkkür etmək istəyirəm”.
Qeyd edək ki, Pablo müqavilə ilə “Arsenal”a məxsusdur, “Monza”da icarə əsasında oynayır.
Aut.az