Fransanın iqtisadiyyat naziri Bruno Le Mer PSJ-nin hücumçusu Kilian Mbappenin müqaviləsi haqda danışıb.
Aut.az xəbər verir ki, Bruno “L’Equipe” nəşrinə açıqlamasında Mbappenin ağlasığmaz müqaviləsinə görə sevindiyini gizlətməyib:
“Yaxşı xəbərdir, çoxlu vergi ödəyəcək. Yaxşı ki, Kilian bu vergini evdə – Fransada ödəyir. Mbappe eyni şərtlərlə “Real”a keçsəydi, Fransa hökuməti bizim ictimai ehtiyaclarımızı maliyyələşdirmək üçün bu qədər vergi toplaya bilməzdi. Məbləğ o qədər başgicəlləndiricidir ki, onu qəbul etmək bir qədər çətindir, amma reallıq belədir”.
Bir müddət əvvəl “Le Parisien” qəzetində PSJ ilə Mbappe arasında bağlanan böyük müqavilənin təfərrüatları yayılıb. Məlumata görə, Kilian 3 illik müqavilə ilə Paris nəhəngindən 630 milyon avro alacaq ki, bu da onu tarixin ən çox maaş alan idmançısı edir. PSJ daha sonra bu məlumatı təkzib etdi.
Aut.az