UEFA prezidenti Aleksander Çeferin növbəti dəfə Avropa Superliqasının yaradılması ideyasından danışıb. Aut.az xəbər verir ki, Ceferin Argentina Futbol Federasiyasının prezidenti Klaudio Tapi və KONMEBOL prezidenti Alexandro Dominqeslə birlikdə Buenos-Ayresdə (Argentina) keçirilən mətbuat konfransında bu məsələyə toxunub. O, ideyanı yenə də tənqid edib:
“Biz bura futboldan danışmaq üçün gəlmişik. Superliqa futbol deyil. Superliqa rəhbərliyi mənə “məktub” göndərib, amma hələ oxumamışam. Əminəm ki, onlar daha da yaxın olmaq istəyirlər”.
2021-ci ilin aprelində 12 Avropa klubu Superliqanın yaradıldığını elan etdi. Qısa müddətdən sonra, demək olar ki, bütün qurucu klublar liqanı tərk etdi. Layihə hazırda üç klub tərəfindən dəstəklənir: “Real”, “Barselona” və “Yuventus”.
Aut.az
