Amerikalı qrossmeyster Hans Nimann şahmat üzrə hazırkı dünya çempionu, norveçli Maqnus Karlseni dələduzluqda ittiham edərək məhkəməyə verib.
Aut.az xəbər verir ki, Nimann sosial şəbəkədə bildirib ki, ABŞ-ın Missuri ştatının Dairə Məhkəməsində iddia qaldırıb:
“Mənim iddiam hər şeyi deyir”.
Karlsenlə yanaşı, “Chess.com” saytı, amerikalı şahmatçı Hikaru Nakamura, Karlsenin şirkəti “Carlsen’s Play Magnus Group” və başqa bir şahmatçı – Denni Renş də təqsirləndirilən şəxslər siyahısındadır.
Nimann reputasiyasına, karyerasına və həyatına dağıdıcı ziyan vurduqlarına görə təqsirləndirilən şəxslərdən 100 milyon dollar tələb edir.
Aut.az.