İndoneziya hakimiyyəti futbol qarşılaşması zamanı yaranan basabas nəticəsində 130-dan çox insanın həlak olduğu stadionu söküb yenidən tikmək qərarına gəlib.
Aut.az xəbər verir ki, bu barədə ölkə prezident Coko Vidodo bildirib:
“Malanqdakı stadionu sökəcəyik və FİFA standartlarına uyğun olaraq yenidən tikəcəyik”.
Xatırladaq ki, oktyabrın 1-də İndoneziyanın Malanq şəhərindəki stadionunda keçirilən futbol qarşılaşmasından sonra iğtişaşlar başlayıb və nəticədə 130-dan çox insan həlak olub.
Daha sonra İndoneziya hakimiyyəti hadisəni araşdırmaq üçün müstəqil qrup yaradıb. Oktyabrın 14-də İndoneziyanın Ədliyyə və təhlükəsizlik üzrə naziri Məhəmməd Mahfud deyib ki, azarkeşlərin ölümünə əsas səbəbi polisin istifadə etdiyi gözyaşardıcı qazdır.
Aut.az