“Liverpul”un müdafiəçisi Vircil van Deyk Premyer Liqanın 11-ci turunda “Mançester Siti” üzərində qələbədən (1:0) danışıb. Aut.az xəbər verir ki, Vircil rəqibin norveçli hücumçusu Erlinq Halandı necə dayandırdığı haqda da fikrini bildirib:
“Bunu etmək müdafiəçilərin borcudur. Özü də bunu hər oyunda etməlisən. Azca boşluq versən, bu tip hücumçular səni mütləq cəzalandıracaqlar. Çox yaxşı oynadıq, qapını toxunulmaz saxlamaq və irəliləmək vacib idi. İndi bütün diqqətimizi “Vest Hem”lə oyuna yönəltmişik”.
Van Deyk ilk hissədə daha yaxşı oynadıqlarını vurğulayıb:
“İlk hissədə kifayət qədər yaxşı oynadığımızı düşünürəm. İkinci hissədə çox qol imkanı yaratmadıq. Daha çox müdafiəyə meyilli idik, amma qol imkanlarımız da oldu”.
Aut.az
