Portuqaliyanın “Braqa” klubunun azarkeşləri PSJ-nin sahibi olan “Qatar Sports Investments” (QSI) tərəfindən komandanın səhmlərinin 21,67%-in almasına reaksiya verib.
Aut.az xəbər verir ki, azarkeşlər etirazlarını Avropa Liqasının qrup mərhələsində “Sent-Jilluaz”la keçirilən oyunda bildiriblər. Onlar həmin qarşılaşmada banner açıblar. Bannerdə belə yazılıb:
“Qətərdən olan qul alverçilərini salamlamırıq”.
Oktyabrın 10-da “Braqa” komandanın səhmlərinin bir hissəsinin satıldığını elan etdi. Bildirilib ki, yeni investorun gəlişi “Braqa”nın rəhbərliyində dəyişikliklərə səbəb olmayacaq və direktorlar şurasına qərarların qəbulunda tam müstəqillik veriləcək.
Aut.az