Konfrans Liqasının qrup mərhələsinin 4-cü turunda keçirilən “Vest Hem” – “Anderlext” (2:1) qarşılaşması iğtişaşlarla başa çatıb.
Aut.az xəbər verir ki, iğtişaşlar zamanı 4 polis əməkdaşının yaralandığı bildirilir. Oyunun sonunda “Anderlext” fanatları meydan sahiblərinin azarkeşləri olan sektora məşəl və plastik stullar atmağa başlayıblar.
Bundan sonra polis müdaxilə edib. Zabitlərdən birinin biləyinin sındığı şübhəsi var, digərinə isə kəllə-beyin travması səbəbindən tikişlər qoyulub. Daha iki zabit başından zərbələr alıb.
“Anderlext” rəsmilərindən biri fanatların davranışına münasibət bildirib:
“Biz belə davranışa görə “Vest Hem”dən üzr istəyirik”.
“Vest Hem” 4 turdan sonra 12 xalla liderdir. “Anderlext” isə 4 xalla 3-cü pillədə qərarlaşıb.
Aut.az
