PSJ-in əməkdaşlarından biri anonim müsahibə verərək komandanın hücumçusu Kilian Mbappenin davranışındakı dəyişiklikdən danışıb.
Aut.az xəbər verir ki, o, cari mövsümün əvvəlindən Kilianın əhval-ruhiyyəsinin tamamilə dəyişdiyini bildirib:
“Mbappe ilk gün təlim-məşq toplanışına gələrkən hamıya gülümsədi, zarafat etdi, hər kəsə salam verdi. Ancaq ertəsi gün qanıqara görünürdü. Heç kimlə danışmadı, salamlaşmadı. O vaxtdan onun əhvalı belədir”.
Bir müddət əvvəl yayılan məlumatda bildirilir ki, Mbappe PSJ rəhbərliyinin verdiyi vədləri yerinə yetirməməsindən narazı qalıb və qışda komandanı tərk etməyi planlaşdırır.
Aut.az