Xəbər lenti
Fransa Futbol Federasiyasının (FFF) rəhbəri Noel Le Qre növbəti dəfə nalayiq davranışda ittiham olunub.
Aut.az xəbər verir ki, daha əvvəl “So Foot” araşdırmışdı ki, FFF-də təqib və seksizm mövcuddur. Xüsusilə də təşkilatın rəhbəri Noel Le Qre işçilərə nalayiq mesajlar göndərib, həmkarları ilə qadınların sinələrini müzakirə edib.
Adının açıqlanmasını istəməyən FFF-nin keçmiş əməkdaşları Noelin qeyri-adekvat davranışı, eləcə də açıq-saçıq təqiblərinə dair yeni faktlar verib:
“Noel Le Qre mənə qarşı çox kobud davranırdı. Məni evinə aparmaq istədiyini dedi. Amma mənə mesaj göndərmirdi. Çünki həmin vaxt telefondan başı çıxmırdı. Dəfələrlə dəvət edib ki, onunla nahara gedim”.
Qız FFF prezidenti ilə nəyisə müzakirə etmək istəyəndə cavab verib ki, yalnız nahar vaxtı boşdur. Bir gün Le Gre ona deyib: “Aramızda bir şey olarsa, narahat olma, heç kim heç vaxt bilməyəcək”.
“O, dünyanın dəyişdiyini görməyən qocadır. O, yersiz şərhlər və zarafatlar edir” – adı açıqlanmayan xanım əməkdaş deyib.
Estelle adlı başqa bir keçmiş FFF əməkdaşının da Le Greyə ittihamları var. FFF prezidenti ilə işgüzar səfərə getməsinə bir həftə qalmış, o, dəfələrlə zəng edərək deyib ki, onunla səfərə getməkdən məmnundur. Üstəlik, ondan yubka geyinməsini xahiş edib. Amma qız şalvar geyinib. Təyyarədə Le Gre əlini Estellenin baldırına qoyub.
Aut.az
