Hazırda “Valensiya”da oynayan Edison Kavani PSJ-də çıxış edərkən ÇL-in 1/8 finalında “Barselona”a ilə cavab qarşılaşmasından sonra üzləşdiyi problem haqda danışıb.
Aut.az xəbər verir ki, Kavani “Barsa”nın 6:1 hesablı qələbəsinin ona pis təsir etdiyini bildirib. Futbolçu psixoloqa müraciət etməli olub:
“Həmin qarşılaşmadan sonar ilk işim psixoloqun yanına getmək oldu. “Barsa”nın qələbəsi məni sarsıtmışdı. Elə hadisələr olur ki, nə qədər çalışsan da, səni yükləyir. Etdiklərimiz hamısı cəmisi 5 dəqiqə ərzində yox oldu. Belə durumla barışmaq asan deyildi”.
Kavani gecələr yata bilmədiyini də vurğulayıb:
“Bu, idarə oluna bilməyən böyük bir zərbədir. Özümü çox narahat hiss etdim, soyuq tər basdı, yuxuya gedəndə başım gicəlləndi. Yatmağa qorxurdum.
Fikirləşdim: “Başımda problem var?” Psixoloqun yanına getdim və o dedi: “Sənin başına gələnlər, müxtəlif sahələrdə çalışan bir çox insanın başına gəlir”. Mən super qəhrəman olmadığımı başa düşdüm”.
Aut.az