“Mançester Yunayted”in futbolçusu Kriştiano Ronaldo ilə bağlı xəbərlər səngimək bilmir.
Aut.az xəbər verir ki, bir-birinin ardınca yayılan xəbərlər, əslində elə bir-birinin təkzibidir. Bir məlumatda Ronaldonun MY-ni tərk edəcəyi deyilirsə, digərində vurğulanır ki, ona heç bir klub maraq göstərmir.
İndi də ABŞ variantı ortaya atılıb. MLS-də çıxış edən “İnter Mayami”nin sahibi Devid Bekhem Kriştianonu komandasında görmək istəyir. İddialara görə, Bekhem Ronaldo ilə məsələni müzakirə də edib.
“İnter Mayami” Şərq Konfransında turnir cədvəlində beşinci yerdədir. Komanda pley-offa vəsiqə qazanmaq iddiasındadır.
Aut.az