“Union”un prezidenti Dirk Zinqler Avropa Liqasında “Malmö” ilə keçirilən oyunda (1:0) baş verən iğtişaşlarla bağlı fikirlərini bölüşüb.
Aut.az xəbər verir ki, prezident azarkeşlərin davranışından qəzəbləndiyini bildirib:
“Qələbəyə sevindim, çünki bu, idman baxımından layiqincədir. Amma oyun zamanı baş verənlərin hamısını qəbul edə bilmirəm. Bu, məni çox əsəbiləşdirdi, çünki əvvəllər heç vaxt belə hərəkət etməmişik. Amma birdən-birə burada belə oldu. Bu da məni qəzəbləndirdi”.
Qeyd edək ki, 60-cı dəqiqədə Almaniya komandasının azarkeşləri meydançaya və İsveç klubunun azarkeşlərinin üzərinə pirotexniki vasitələr atmağa başlayıblar. Baş hakim oyunu dayandırmaq qərarına gəlib və hər iki komandanın futbolçularını meydandan çıxardıb.
Aut.az